udaas ho na tu ai dil kisi ke rone se — Asar Akbarabadi

raasta rok liyaa meraa kisi bachche ne
is mein koi to 'asar' meri bhalaai hogi

ulfat kaa hai maza ki 'asar' gham bhi saath hon
taarikiyaan bhi saath rahein raushni ke saath

zindagi tujh se ye gilaa hai mujhe
koi apnaa nahin milaa hai mujhe

fikr-e-jahaan dard-e-mohabbat firaaq-e-yaar
kyaa kahiye kitne gham hain miri zindagi ke saath

saaya bhi saath chhoD gayaa ab to ai 'asar'
phir kis liye main aaj ko kal se judaa karun

ulfat ke badle un se milaa dard-e-laa-ilaaj
itnaa baDhe hai dard main jitni davaa karun

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ik safina hai tiri yaad agar
ik samundar hai miri tanhaai

udaasi muskuraati hai miyaan tab sher hote hain
nami aankhon mein aati hai miyaan tab sher hote hain

zard chehron se udaasi ke bichhaDne kaa sabab
log puchheinge to kah denaa ki dukh haar gayaa