daastaan un ki adaaon ki hai rangin lekin — Asghar Gondvi

sau baar tiraa daaman haathon mein mire aayaa
jab aankh khuli dekhaa apnaa hi garebaan thaa

kyaa mastiyaan chaman mein hain josh-e-bahaar se
har shaakh-e-gul hai haath mein saaghar liye hue

chalaa jaataa huun hanstaa kheltaa mauj-e-havaadis se
agar aasaaniyaan hon zindagi dushvaar ho jaae

zaahid ne miraa haasil-e-imaan nahin dekhaa
rukh par tiri zulfon ko pareshaan nahin dekhaa

yuun muskuraae jaan si kaliyon mein paD gai
yuun lab-kushaa hue ki gulistaan banaa diyaa

pahli nazar bhi aap ki uff kis balaa ki thi
ham aaj tak vo choT hain dil par liye hue

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

ham ne jo 'tamannaai' bayaabaan-e-talab mein
ik umr guzaari hai to do-chaar baras aur

ik vaqt thaa ki dil ko sukun ki talaash thi
aur ab ye aarzu hai ki dard-e-nihaan rahe

shahr ho dasht-e-tamannaa ho ki dariyaa kaa safar
teri tasvir ko siine se lagaa rakkhaa hai

dil se aakhir charaagh-e-vasl bujhaa
kyaa tamannaa ne intiqaam liyaa