yuun muskuraae jaan si kaliyon mein paD gai — Asghar Gondvi

sau baar tiraa daaman haathon mein mire aayaa
jab aankh khuli dekhaa apnaa hi garebaan thaa

kyaa mastiyaan chaman mein hain josh-e-bahaar se
har shaakh-e-gul hai haath mein saaghar liye hue

chalaa jaataa huun hanstaa kheltaa mauj-e-havaadis se
agar aasaaniyaan hon zindagi dushvaar ho jaae

zaahid ne miraa haasil-e-imaan nahin dekhaa
rukh par tiri zulfon ko pareshaan nahin dekhaa

ek aisi bhi tajalli aaj mai-khaane mein hai
lutf piine mein nahin hai balki kho jaane mein hai

pahli nazar bhi aap ki uff kis balaa ki thi
ham aaj tak vo choT hain dil par liye hue

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

gul kiyaa jis ne vo thaa aur magar
shama ne shikva havaaon se kiyaa

kyaa DhunDne nikli hai kisi qais ko paagal
is darja jo ye baad-e-bayaabaani hui hai

sahraa kaa koi phuul moattar to nahin thaa
thaa ek chhalaavaa koi manzar to nahin thaa