sar pe dastaar jab salaamat hai — Asghar Shamim

shahr to kab kaa jal chukaa 'asghar'
uTh rahaa hai magar dhuaan ab tak

saari duniyaa ko jitne vaalaa
apne bachchon se haar jaataa hai

kahaan sar chhupaaein pataa hi nahin
ki girne lagi ghar ki divaar ab

talaatum mein kabhi utraa thaa 'asghar'
samundar aaj tak sahmaa huaa hai

dil mein 'asghar' ke khushiyon ki barsaat thi
hanste hanste vo kyuun gham-zada ho gayaa

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

'saif' andaaz-e-bayaan rang badal detaa hai
varna duniyaa mein koi baat nai baat nahin

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

zakhm jhele daagh bhi khaae bahut
dil lagaa kar ham to pachhtaae bahut