ye raat aisi havaaein kahaan se laati hai — Ashfaq Amir

ye rog lagaa hai ajab hamein jo jaan bhi le kar Talaa nahin
har ek davaa be-asar gai har ek duaa be-asar hui

apni khushi se mujhe teri khushi thi aziiz
tu bhi magar jaane kyuun mujh se khafaa ho gayaa

ab e'tibaar pe ji chaahtaa to hai lekin
puraane khauf dilon se kahaan nikalte hain

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

kaisi biptaa paal rakhi hai qurbat ki aur duuri ki
khushbu maar rahi hai mujh ko apni hi kasturi ki

ishq tu bhi zaraa Tikaa le kamar
dil bhi ab so gayaa hai raat gae

gul hue gharq aab-e-shabnam mein
dekh us saahib-e-hayaa ki adaa