apni khushi se mujhe teri khushi thi aziiz — Ashfaq Amir

ye rog lagaa hai ajab hamein jo jaan bhi le kar Talaa nahin
har ek davaa be-asar gai har ek duaa be-asar hui

ab e'tibaar pe ji chaahtaa to hai lekin
puraane khauf dilon se kahaan nikalte hain

ye raat aisi havaaein kahaan se laati hai
ki khvaab phulte hain aur zakhm phalte hain

gham hai na ab khushi hai na ummid hai na yaas
sab se najaat paae zamaane guzar gae

ye zindagi hai apni kabhi khush kabhi udaas
is kashmakash se mujh ko khudaayaa rihaai de

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

kaun si aisi kami mere khad-o-khaal mein hai
aaina khush nahin hotaa kabhi mil kar mujh se

aaina to 'aibon ki khabar detaa hai 'aasif'
khush-fahmi-e-insaan kaa magar koi kare kyaa

us ko sochun to dhyaan mein mere
khushbu aati hai pahli baarish ki