gadaa-e-kucha-e-jaanaan huun martaba hai baDaa — Ashique Akbarabadi

tire kuche mein koi huur aa jaati to main kahtaa
ki vo jannat to kyaa jannat hai jannat aisi hoti hai

jalva nigaah mein hai kisi be-niyaaz kaa
putli hamaari aankh ki putlaa hai naaz kaa

na chitvan aap ki Thahri na dil miraa Thahraa
use sukun ho to is ko bhi kuchh qaraar rahe

aarzu ik but ki le kar jaate hain kaabe ko ham
turfa tohfa paas hai ahl-e-haram ke vaaste

mujhe tum dekh kar samjho ki chaahat aisi hoti hai
mohabbat vo buri shai hai ki haalat aisi hoti hai

agar nazaara hai manzur khastaa-haalon kaa
to aao khol dein juuDaa tumhaare baalon kaa

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

bhari duniyaa mein faqat mujh se nigaahein na churaa
ishq par bas na chalegaa tiri daanaai kaa

main tujhe bhuul na paayaa to ye chaahat hai miri
yaad rakkhaa hai jo tu ne tiraa ehsaan jaanaan

is ke baghair leaderi apni thi naa-tamaam
kuchh is liye bhi jail mein jaanaa paDaa mujhe

dil na dete use to kyaa karte
ai 'asar' dukh hamein uThaanaa thaa