ek tasvir huun gham ki jis par — Ashraf Yousafi

lakirein khinch ke miTTi pe baiTh jaataa huun
yahaan makaan thaa ye baazaar ye gali us ki

havaa ke lams mein us ki mahak bhi hoti hai
vo shaakh-e-gul jo kahin ru-ba-ru nahin hoti

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

uThaa uThaa ke tire naaz ai gham-e-duniyaa
khud aap hi tiri aadat kharaab ki ham ne

har aadmi vahaan masruf qahqahon mein thaa
ye aansuon ki kahaani kise sunaate ham

mujh se kahte nahin bantaa ki sitam kam kiije
phir na aisaa ho kisi roz miraa gham kiije