gharon se nikle hue vaqt par palaT aaein — Ashu Mishra

sarsari 'mir' kaa divaan nahin khultaa hai
mukhtasar khulne mein insaan nahin khultaa hai

yahaan pe aah-o-fughaan dard-o-gham kaa naam nahin
miraa kalaam hai ye 'mir' kaa kalaam nahin

qubul kar ke ise raabta bahaal karo
kahin ye phuul miri aakhiri pukaar na ho

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

na aayaa gham bhi mohabbat mein saazgaar mujhe
vo khud taDap gae dekhaa jo be-qaraar mujhe

main ab tere sivaa kis ko pukaarun
muqaddar so gayaa gham jaagtaa hai

rahe hain chaand-raaton mein bhi tanhaa
hamein khuddaariyaan mahngi paDi hain