rahe hain chaand-raaton mein bhi tanhaa — Asad Bijnori Alig

jis bulandi se tu bhi na aae nazar
aisi shohrat ki ai maan du'aaein na de

ham pe ye raaz khulaa bhi to bahut der ke baa'd
asl kirdaar kahaani mein kisi aur kaa hai

paDe hain phike ye chaand taare bhi is ke aage
kahaan se laai ho tum ye husn-o-jamaal laDki

us kaa ham se baat karnaa yaad karnaa pyaar karnaa
ik ghalat-fahmi thi jo ab duur hoti jaa rahi hai

bulandiyon par zaraa takabbur se duur rahnaa
vagarna ye hi banegaa vajh-e-zavaal laDki

milaa hai husn to is par ghurur itnaa nahin achchhaa
milaa detaa hai miTTi mein khudaa maghrur chehron ko

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

be-sadaa si kisi aavaaz ke pichhe pichhe
chalte chalte main bahut duur nikal jaataa huun

khvaab aur tamannaa kaa kyaa hisaab rakhnaa hai
khvaahishein hain sadiyon ki umr to zaraa si hai

vo chaahtaa thaa ki dekhe mujhe bikharte hue
so us kaa jashn ba-sad-ehtimaam main ne kiyaa