yahaan pe aah-o-fughaan dard-o-gham kaa naam nahin — Ashu Mishra

sarsari 'mir' kaa divaan nahin khultaa hai
mukhtasar khulne mein insaan nahin khultaa hai

qubul kar ke ise raabta bahaal karo
kahin ye phuul miri aakhiri pukaar na ho

gharon se nikle hue vaqt par palaT aaein
koi charaagh kisi baam par udaas na ho

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

tujhe bhi dekh liyaa ham ne o khudaa-e-ajal
ki teraa zor chalaa bhi to ahl-e-gham pe chalaa

tum jo chaaho to mire dard kaa darmaan ho jaae
varna mushkil hai ki mushkil miri aasaan ho jaae

ye saal tul-e-masaafat se chuur chuur gayaa
ye ek saal to guzraa hai ik sadi ki tarah