dam bhar ke liye hoti hai taskin si dil ko — Asif Banarsi

abhi aankhon hi ko de bazm mein gardish saaqi
yahi paimaane chhalakte rahein jaam aane tak

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

diin kyon ki na vo daagh-e-alam aur ziyaada
qimat mein baDhe dil ke diram aur ziyaada