mujhe malaal nahin teri bevafaai kaa — Asif Jaanif

tu khudaa se bhi duur hai laDki
aur dil kaaein kaaein kar rahaa hai

ye kaise log tire aas-paas ghumte hain
inhein to dekh ke meraa dimaagh ghumtaa hai

udaas logon ke maathon ko chumte rahnaa
unhi ki vajh se bar-'aks ho gae tum log

hamein bannaa paDegaa alien varna mire pyaare
tujhe bhi khaaegaa aadam mujhe bhi khaaegaa aadam

bahut hi kam ko mili hain mohabbatein 'jaanif'
ziyaada-tar ko to mahbub ne du'aa di hai

main tumhaare baghair aisaa huun
jis tarah diin hai nabi ke baghair

jab itni bevafaai par dil us ko pyaar kartaa hai
to yaa-rab vo sitam-gar baa-vafaa hotaa to kyaa hotaa

bachche fareb khaa ke chataai pe so gae
ik maan ubaalti rahi pathar tamaam raat

dhokaa thaa jis pe mauj-e-nasim-e-bahaar kaa
ik sail-e-be-panaah thaa barq-o-sharaar kaa

vaise kyaa ghaTiyaa si shai hai ye tamannaa kaa fareb
aap jaison ko bhi ham jaise taras jaate hain

bus mujhe be-vafaa keh dijiye mar jaaungi
aap par qatl ki tohmat bhi nahin aaegi

subh-dam zulfein na yuun bikhraaiye
log dhokaa khaa rahe hain shaam kaa