hamein bannaa paDegaa alien varna mire pyaare — Asif Jaanif

main tumhaare baghair aisaa huun
jis tarah diin hai nabi ke baghair

tu khudaa se bhi duur hai laDki
aur dil kaaein kaaein kar rahaa hai

ye kaise log tire aas-paas ghumte hain
inhein to dekh ke meraa dimaagh ghumtaa hai

udaas logon ke maathon ko chumte rahnaa
unhi ki vajh se bar-'aks ho gae tum log

bahut hi kam ko mili hain mohabbatein 'jaanif'
ziyaada-tar ko to mahbub ne du'aa di hai

mujhe malaal nahin teri bevafaai kaa
main apne aap se aankhein nahin milaa saktaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

talaash apni khud apne vajud ko kho kar
ye kaar-e-ishq hai is mein lagaa to main bhi huun

kitnaa hi dard-o-gham ho shikaayat na kijiye
varna huzur aap mohabbat na kijiye

vo jis ke sehn mein koi gulaab khil na sakaa
tamaam shahr ke bachchon se pyaar kartaa thaa