udaas logon ke maathon ko chumte rahnaa — Asif Jaanif

main tumhaare baghair aisaa huun
jis tarah diin hai nabi ke baghair

tu khudaa se bhi duur hai laDki
aur dil kaaein kaaein kar rahaa hai

ye kaise log tire aas-paas ghumte hain
inhein to dekh ke meraa dimaagh ghumtaa hai

hamein bannaa paDegaa alien varna mire pyaare
tujhe bhi khaaegaa aadam mujhe bhi khaaegaa aadam

bahut hi kam ko mili hain mohabbatein 'jaanif'
ziyaada-tar ko to mahbub ne du'aa di hai

mujhe malaal nahin teri bevafaai kaa
main apne aap se aankhein nahin milaa saktaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

main aa kar dushmanon mein bas gayaa huun
yahaan hamdard hain do-chaar mere

us pe qurbaan ki jis ne tiri aavaaz suni
sadqe us aankh ke jis ne tiraa jalva dekhaa

ye zindagi hai apni kabhi khush kabhi udaas
is kashmakash se mujh ko khudaayaa rihaai de