vo mere khvaab le ke sirhaane khaDaa rahaa — Asifa Nishat

baaz chehre bahut hasin sahi
phir bhi kitnon se dosti ki jaae

daryaaft kar liyaa hai basaayaa nahin mujhe
saamaan rakh diyaa hai sajaayaa nahin mujhe

mere khvaabon ke jharokon ko sajaate rahiye
na sahi vasl magar yaad to aate rahiye

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

aankhon mein bas ke dil mein samaa kar chale gae
khvaabida zindagi thi jagaa kar chale gae

ek khvaahish hai jo shaayad umr bhar puuri na ho
ek sapne se hamesha pyaar karnaa hai mujhe