bahut chhoTe hain mujh se mere dushman — Athar Nafees

'athar' tum ne ishq kiyaa kuchh tum bhi kaho kyaa haal huaa
koi nayaa ehsaas milaa yaa sab jaisaa ahvaal huaa

baa-vafaa thaa to mujhe puchhne vaale bhi na the
be-vafaa huun to huaa naam bhi ghar ghar meraa

sochte aur jaagte saanson kaa ik dariyaa huun main
apne gum-gashta kinaaron ke liye bahtaa huun main

ik shakl hamein phir bhaai hai ik surat dil mein samaai hai
ham aaj bahut sarshaar sahi par aglaa moD judaai hai

darvaaza khulaa hai ki koi lauT na jaae
aur us ke liye jo kabhi aayaa na gayaa ho

vo ishq jo ham se ruuTh gayaa ab us kaa haal bataaein kyaa
koi mehr nahin koi qahr nahin phir sachchaa sher sunaaein kyaa

jab ki pahlu se yaar uThtaa hai
dard be-ikhtiyaar uThtaa hai

ik jang thi vo garmi-e-guftaar nahin thi
donon ki anaa miTne ko tayyaar nahin thi

apni urdu to mohabbat ki zabaan thi pyaare
uff siyaasat ne use joD diyaa mazhab se

miraa zamir bahut hai mujhe sazaa ke liye
tu dost hai to nasihat na kar khudaa ke liye

chhin lenaa yaa-khudaa mujh se mire lauh-o-qalam
gar zavaal aae mire ashaar ke meaar mein

na puchh kaise guzarti hai zindagi ai dost
baDi tavil kahaani hai phir kabhi ai dost