hamein roko nahin ham ne bahut se kaam karne hain — Azhar Adeeb

is liye main ne muhaafiz nahin rakkhe apne
mire dushman mire is jism se baahar kam hain

ai shahr-e-sitam chhoD ke jaate hue logo
ab raah mein koi bhi madina nahin aataa

usi ne sab se pahle haar maani
vahi sab se dilaavar lag rahaa thaa

der lagti hai bahut lauT ke aate aate
aur vo itne mein hamein bhuul chukaa hotaa hai

ham ne ghar ki salaamti ke liye
khud ko ghar se nikaal rakkhaa hai

hamaare naam ki takhti bhi un pe lag na saki
lahu mein gundh ke miTTi jo ghar banaae gae

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

office ki faailon mein tiri zulf kaa khayaal
dil apne kaam se hai dimaagh apne kaam se

dalil di gai kahin nizaam se kiyaa gayaa
hamaaraa faisla hamaare naam se kiyaa gayaa

guftugu ke khatm ho jaane par aayaa ye khayaal
jo zabaan tak aa nahin paayaa vahi to dil mein thaa

dil kaa lahu nigaah se Tapkaa hai baar-haa
ham raah-e-gham mein aisi bhi manzil se aae hain