usi ne sab se pahle haar maani — Azhar Adeeb

is liye main ne muhaafiz nahin rakkhe apne
mire dushman mire is jism se baahar kam hain

ai shahr-e-sitam chhoD ke jaate hue logo
ab raah mein koi bhi madina nahin aataa

der lagti hai bahut lauT ke aate aate
aur vo itne mein hamein bhuul chukaa hotaa hai

ham ne ghar ki salaamti ke liye
khud ko ghar se nikaal rakkhaa hai

tu apni marzi ke sabhi kirdaar aazmaa le
mire baghair ab tiri kahaani nahin chalegi

hamaare naam ki takhti bhi un pe lag na saki
lahu mein gundh ke miTTi jo ghar banaae gae

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

aise mauqe' to asiri mein kai baar mile
ham agar chaahte zanjir badal sakte the

didaar se pahle hi kyaa haal huaa dil kaa
kyaa hogaa jo ulTeinge vo rukh se naqaab aakhir

kitni ghaTaaein aaiin baras kar guzar gaiin
shola hamaare dil kaa bujhaayaa na jaa sakaa

daaman ke daagh ashk-e-nadaamat ne dho diye
lekin ye dil kaa daagh miTaayaa na jaa sakaa