daaman ke daagh ashk-e-nadaamat ne dho diye — Wasif Dehlvi

bujhte hue charaagh farozaan kareinge ham
tum aaoge to jashn-e-charaaghaan kareinge ham

didaar se pahle hi kyaa haal huaa dil kaa
kyaa hogaa jo ulTeinge vo rukh se naqaab aakhir

kitni ghaTaaein aaiin baras kar guzar gaiin
shola hamaare dil kaa bujhaayaa na jaa sakaa

aaj rukhsat ho gayaa duniyaa se ik bimaar-e-gham
dard aisaa dil mein uTThaa jaan le kar hi gayaa

vafur-e-be-khudi mein rakh diyaa sar un ke qadmon par
vo kahte hi rahe 'vaasif' ye mahfil hai ye mahfil hai

qismat ki tirgi ki kahaani na puchhiye
subh-e-vatan bhi shaam-e-gharibaan hai aaj kal

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

aas hi se dil mein paidaa zindagi hone lagi
shama jalne bhi na paai raushni hone lagi

aae to dil thaa baagh baagh aur gae to daagh daagh
kitni khushi vo laae the kitnaa malaal de gae

dil ik aisaa kaasa hai jis ki gahraai mat puchho
jitne sikke Daaloge utnaa khaali rah jaaegaa

dil qanaaat zaraa si kartaa to
har mohabbat thi aakhiri meri