khvaab meraa hai ain bedaari — Bahadur Shah Zafar

ab ki jo raah-e-mohabbat mein uThaai taklif
sakht hoti hamein manzil kabhi aisi to na thi

kitnaa hai bad-nasib 'zafar' dafn ke liye
do gaz zamin bhi na mili ku-e-yaar mein

dekh dil ko mire o kaafir-e-be-pir na toD
ghar hai allaah kaa ye is ki to taamir na toD

kyaa taab kyaa majaal hamaari ki bosa lein
lab ko tumhaare lab se milaa kar kahe baghair

ye qissa vo nahin tum jis ko qissa-khvaan se suno
mire fasaana-e-gham ko miri zabaan se suno

bulbul ko baaghbaan se na sayyaad se gila
qismat mein qaid likkhi thi fasl-e-bahaar mein

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

rakh liyaa thaa main ne roza jaan tumhaare naam kaa
tum ko dekhaa khvaab mein aur meri sehri ho gai

aaj ki shab khvaab mein baatein hui hain jin se meri
yaa-khudaa ik roz ho jaae mujhe didaar un kaa

mire sapne miri palkon ki had mein rah gae dekho
nikal paayaa nahin main in darichon se kabhi aage

jis ki kuchh taabir na ho
khvaab usi ko kahte hain