rakh liyaa thaa main ne roza jaan tumhaare naam kaa — Yashvardhan Mishra

dekh saktaa huun binaa chashme ke main
dost teri bevafaai saaf saaf

chaahiye thi aap ki tasvir so
khinch li tasvir main ne chaand ki

raushni bhi tirgi bhi saath hai yaa yuun kahein
zindagi khush hai magar khush bhi tavaaif ki tarah

daf'atan main Thiik ho saktaa huun chaaraagar mire
tu mujhe pahnaa de us ke naam kaa taa'viz gar

tumhaare bin nahin lete kabhi karvaT akele ham
tumhaari yaad bhi karvaT hamaare saath leti hai

rang saare aa gae 'aariz pe mere
jab kahaa us ne mujhe holi mubaarak

niind aati nahin to subah talak
gard-e-mahtaab kaa safar dekho

subh savere ran paDnaa hai aur ghamsaan kaa ran
raaton raat chalaa jaae jis ko jaanaa hai

shab-e-daraaz kaa hai qissa mukhtasar 'kaifi'
hui sahar ke ujaalon mein gum charaagh ki lau

saugand hai hasrat mujhe ejaaz-e-sukhan ki
ye sehr hain jaadu hain na ashaar hain tere

subh ko khul jaaegaa donon mein kyaa yaaraana hai
shama parvaana ki hai yaa shama kaa parvaana hai

sahar kaa ujaalaa bhi maddham paDe
jo aankhon mein vo shab bitaa kar chale