mire sapne miri palkon ki had mein rah gae dekho — Yasir Malik

chhoTe se ik aaine mein chehra qaid hai vaise hi
jaise ik kirdaar ke andar ek kahaani hoti hai

maut ne aa kar bachaayaa phir mujhe
dard ne jab zindagi se baat ki

vahm hotaa hai mar gayaa huun main
aise khadshaat se laDaai hai

tum ne chhuaa to dil ye dhaDkaa miraa vagarna
patthar kaa ho gayaa thaa khaamosh baiThe baiThe

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

jo khvaab ki dahliz talak bhi nahin aayaa
aaj us se mulaaqaat ki surat nikal aai

ye raat aisi havaaein kahaan se laati hai
ki khvaab phulte hain aur zakhm phalte hain

kab dard se dil ko taab aayaa
aankhon mein kahaan se khvaab aayaa

ham ne har khvaab ko taabir ataa ki 'aslam'
varna mumkin thaa ki har naqsh adhuraa hotaa