jaa kahiyo meraa nasim-e-sahar — Bahadur Shah Zafar

ab ki jo raah-e-mohabbat mein uThaai taklif
sakht hoti hamein manzil kabhi aisi to na thi

kitnaa hai bad-nasib 'zafar' dafn ke liye
do gaz zamin bhi na mili ku-e-yaar mein

dekh dil ko mire o kaafir-e-be-pir na toD
ghar hai allaah kaa ye is ki to taamir na toD

kyaa taab kyaa majaal hamaari ki bosa lein
lab ko tumhaare lab se milaa kar kahe baghair

khvaab meraa hai ain bedaari
main to us mein bhi dekhtaa kuchh huun

bulbul ko baaghbaan se na sayyaad se gila
qismat mein qaid likkhi thi fasl-e-bahaar mein

raat ko aa kar jo tum milte to haan ik baat thi
subh ko surat dikhaane aaftaab aayaa to kyaa

subh aataa huun yahaan aur shaam ho jaane ke baad
lauT jaataa huun main ghar naakaam ho jaane ke baad

laakh aaftaab paas se ho kar guzar gae
ham baiThe intizaar-e-sahar dekhte rahe

har ek raat kahin duur bhaag jaataa huun
har ek subh koi mujh ko khinch laataa hai

ye dil hai miraa yaa kisi kuTiyaa kaa diyaa hai
bujhtaa hai dam-e-subh to jaltaa hai sar-e-shaam

das moharram ki faaqa-shikan asr kaa sar jhukaae hue baiTh kar sochnaa
chand phulon mein lipTi hui fajr thi kuchh charaaghon ki nauhagari raat hai