tu khush hai apni duniyaa mein — Baqa Baluch

zindagi se zindagi ruThi rahi
aadmi se aadmi barham rahaa

garmi-e-shiddat-e-jazbaat bataa detaa hai
dil to bhuli hui har baat bataa detaa hai

jism apne faani hain jaan apni faani hai faani hai ye duniyaa bhi
phir bhi faani duniyaa mein jaavedaan to main bhi huun jaavedaan to tum bhi ho

ek uljhan raat din palti rahi dil mein ki ham
kis nagar ki khaak the kis dasht mein Thahre rahe

main kinaare pe khaDaa huun to koi baat nahin
bahtaa rahtaa hai tiri yaad kaa dariyaa mujh mein

kaisaa lamha aan paDaa hai
hanstaa ghar viraan paDaa hai

mere khvaabon ke jharokon ko sajaate rahiye
na sahi vasl magar yaad to aate rahiye

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

main ziyaada huun bahut us ke liye ab tak bhi
aur mere liye vo saare kaa saaraa kam hai