chaand saa misra akelaa hai mire kaaghaz par — Bashir Badr

na tum hosh mein ho na ham hosh mein hain
chalo mai-kade mein vahin baat hogi

bhuul shaayad bahut baDi kar li
dil ne duniyaa se dosti kar li

ik shaam ke saae tale baiThe rahe vo der tak
aankhon se ki baatein bahut munh se kahaa kuchh bhi nahin

khudaa aise ehsaas kaa naam hai
rahe saamne aur dikhaai na de

hasin to aur hain lekin koi kahaan tujh saa
jo dil jalaae bahut phir bhi dilrubaa hi lage

khudaa ki itni baDi kaaenaat mein main ne
bas ek shakhs ko maangaa mujhe vahi na milaa

dekh kar meraa dasht-e-tanhaai
rang-e-ru-e-bahaar utraa hai

koi to khair kaa pahlu bhi nikle
akelaa kis tarah ye shar rahegaa

tanhaa khaDaa huun main bhi sar-e-karbalaa-e-asr
aur sochtaa huun mere taraf-daar kyaa hue

jo tiir aayaa gale mil ke dil se lauT gayaa
vo apne fan mein main apne hunar mein tanhaa thaa

miri tanhaai mujh se kahti hai
bhaaD mein jaae bhiiD aao idhar

fasurda-dil kabhi khalvat na anjuman mein rahe
bahaar ho ke rahe ham to jis chaman mein rahe