tanhaa khaDaa huun main bhi sar-e-karbalaa-e-asr — Mohsin Ehsan

main kharch kaar-e-zamaana mein ho chukaa itnaa
ki aakhirat ke liye paas kuchh bachaa hi nahin

main munaqqash huun tiri ruuh ki divaaron par
tu miTaa saktaa nahin bhulne vaale mujh ko

subh se shaam hui ruThaa huaa baiThaa huun
koi aisaa nahin aa kar jo manaa le mujh ko

ab duaaon ke liye uThte nahin hain haath bhi
be-yaqini kaa to aalam thaa magar aisaa na thaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

aadat ke baa'd dard bhi dene lagaa mazaa
hans hans ke aah aah kiye jaa rahaa huun main

naaz kar naaz tire naaz pe hai naaz mujhe
meri tanhaai hai partav tiri yaktaai kaa

hijr ki shab naala-e-dil vo sadaa dene lage
sunne vaale raat kaTne ki duaa dene lage