dekh kar meraa dasht-e-tanhaai — Ibn

din ke bhule ko raat Dasti hai
shaam ko vaapsi nahin hoti

chaand kaa husn bhi zamin se hai
chaand par chaandni nahin hoti

likhne ko likh rahe hain ghazab ki kahaaniyaan
likkhi na jaa saki magar apni hi daastaan

husn banaa jab bahti gangaa
ishq huaa kaaghaz ki naav

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

zamin ki kokh hi zakhmi nahin andheron se
hai aasmaan ke bhi siine pe aaftaab kaa zakhm

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

dard-e-dil ki intihaa thi zabt TuuTaa aur phir
aansuon kaa rang meri shaairi mein aa gayaa

muqarrar kar rakhi hai main ne apne aansuon ki had
mire dukh-dard kaa paikar miraa chehra nahin hotaa

barsaat muflison ki sadaa se raqib hai
kachche makaan girne kaa mausam 'ajib hai