dil ki basti puraani dilli hai — Bashir Badr

na tum hosh mein ho na ham hosh mein hain
chalo mai-kade mein vahin baat hogi

bhuul shaayad bahut baDi kar li
dil ne duniyaa se dosti kar li

ik shaam ke saae tale baiThe rahe vo der tak
aankhon se ki baatein bahut munh se kahaa kuchh bhi nahin

khudaa aise ehsaas kaa naam hai
rahe saamne aur dikhaai na de

hasin to aur hain lekin koi kahaan tujh saa
jo dil jalaae bahut phir bhi dilrubaa hi lage

khudaa ki itni baDi kaaenaat mein main ne
bas ek shakhs ko maangaa mujhe vahi na milaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

masjid mandir ke jhagDe to hote miTte rahte hain
dafn hain jis mein dil ke rishte us malbe ki baat karein

khulus-e-dil se sajda ho to us sajde kaa kyaa kahnaa
vahin kaaba sarak aayaa jabin ham ne jahaan rakh di

bayaan qissa-e-bechaargi kiyaa jaae
jo dil ki rah gai dil mein use kahaa jaae

ai shauq pataa kuchh tu hi bataa ab tak ye karishma kuchh na khulaa
ham mein hai dil-e-betaab nihaan yaa aap dil-e-betaab hain ham