ye taasir mohabbat hai ki Tapkaa — Bayan Meeruthi

dil aayaa hai qayaamat hai miraa dil
uThe taazim de joban kisi kaa

yaad mein khvaab mein tasavvur mein
aa ki aane ke hain hazaar tariq

kabhi hansaayaa kabhi rulaayaa kabhi rulaayaa kabhi hansaayaa
jhijak jhijak kar simaT simaT kar lipaT lipaT kar dabaa dabaa kar

nahin ye aadmi kaa kaam vaaiz
hamaare but taraashe hain khudaa ne

lahu Tapkaa kisi ki aarzu se
hamaari aarzu Tapki lahu se

shaikh ke maathe pe miTTi barhaman ke bar mein but
aadmi dair-o-haram se khaak patthar le chalaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

husn un kaa agar hai sangin-dil
ishq apnaa bhi sakht baazu hai

ham bandagaan-e-ishq kaa maslak niraalaa hai
kaafir ki is mein vaza na din-daar ki tarah

dayaar-e-ishq mein ye masala hai muftaa-bih
ba-juz haraam ki raghbat ke kuchh halaal nahin

mere jiine kaa ye uslub pata detaa hai
ki abhi ishq mein kuchh kaam hain karne vaale