apni samjhe the magar nikli paraai zindagi — Chandrakant Rawat

musibat sar pe munh baae khaDi hai
tujhe ai dil mohabbat ki paDi hai

kaam ko imaan se anjaam detaa chal bashar
jaane kis surat mein teraa mehnataana aaegaa

tar-ba-tar ho kar rahein taa-zindagi
ai ghaTaa ik roz ham par yuun baras

ai mire dost ek muddat se
chaand dekhaa nahin teri chhat se

vo zulfein vo nazrein vo jumbish labon ki
vo sab un ke hathiyaar kaam aa rahe hain

mohabbat chaahiye to kar mohabbat
mohabbat dar mohabbat dar mohabbat

kam-umri mein sunet hain
mar jaate hain achchhe log

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

rahim o raam ki sumran hai shaikh o hindu ko
dil us ke naam ki raTnaa raTe hai kyaa kiije