mujh ko milaa ye shikva-e-dushnaam par javaab — Dagh Dehlvi

hazrat-e-'daagh' hai ye kucha-e-qaatil uThiye
jis jagah baiThte hain aap to jam jaate hain

dil hi to hai na aae kyuun dam hi to hai na jaae kyuun
ham ko khudaa jo sabr de tujh saa hasin banaae kyuun

baad muddat ke ye ai 'daagh' samajh mein aayaa
vahi daanaa hai kahaa jis ne na maanaa dil kaa

na ronaa hai tariqe kaa na hansnaa hai saliqe kaa
pareshaani mein koi kaam ji se ho nahin saktaa

sar miraa kaaT ke pachhtaaiyegaa
jhuTi phir kis ki qasam khaaiyegaa

kal tak to aashnaa the magar aaj ghair ho
do din mein ye mizaaj hai aage ki khair ho

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ishq vo chaar su safar hai jahaan
koi bhi raasta nahin ruktaa

uruuj par hai azizo fasaad kaa suraj
jabhi to sukhti jaati hain pyaar ki jhilein

dard-e-dil se ishq ke be-pardagi hoti nahin
ik chamak uThti hai lekin raushni hoti nahin

'ishq ki chaadar laayaa huun aur khaas baat ye hai is mein
jitne pair pasaaro ye utni lambi ho jaati hai