zikr-e-mehr-o-vafaa to ham karte — Dagh Dehlvi

hazrat-e-'daagh' hai ye kucha-e-qaatil uThiye
jis jagah baiThte hain aap to jam jaate hain

dil hi to hai na aae kyuun dam hi to hai na jaae kyuun
ham ko khudaa jo sabr de tujh saa hasin banaae kyuun

baad muddat ke ye ai 'daagh' samajh mein aayaa
vahi daanaa hai kahaa jis ne na maanaa dil kaa

na ronaa hai tariqe kaa na hansnaa hai saliqe kaa
pareshaani mein koi kaam ji se ho nahin saktaa

sar miraa kaaT ke pachhtaaiyegaa
jhuTi phir kis ki qasam khaaiyegaa

kal tak to aashnaa the magar aaj ghair ho
do din mein ye mizaaj hai aage ki khair ho

tum na tauba karo jafaaon se
ham vafaaon se tauba karte hain

tufaan aae shahr mein yaa koi zalzala
mujh ko kisi bhi baat kaa ab Dar nahin rahaa

tire kuche ki miTTi baa-vafaa hai
mire pairon se lipTi jaa rahi hai

main bas ye kah rahaa huun rasm-e-vafaa jahaan mein
bilkul nahin miTi hai kamyaab ho gai hai

yaarab kase hai naaqa har ghuncha is chaman kaa
raah-e-vafaa ko ham to masdud jaante hain

dil mein phir girye ne ik shor uThaayaa 'ghaalib'
aah jo qatra na niklaa thaa so tufaan niklaa