main bas ye kah rahaa huun rasm-e-vafaa jahaan mein — Obaid Siddiqi

main pahle be-baak huaa thaa josh-e-mohabbat mein
meri tarah phir us ne bhi sharmaanaa chhoDaa thaa

garmi si ye garmi hai
maang rahe hain log panaah

udaasi aaj bhi vaisi hai jaise pahle thi
makin badalte rahe hain makaan nahin badlaa

tufaan ke baa'd main bhi bahut TuuT saa gayaa
dariyaa phir apne rukh pe bahaa le gayaa mujhe

kyuun logon se mehr-o-vafaa ki aas lagaae baiThe ho
jhuuT ke is makruh nagar mein logon kaa kirdaar kahaan

chaaron taraf bikhar gaiin saanson ki khushbuein
raah-e-vafaa mein aap jahaan bhi jidhar gae

dil se niklegi na mar kar bhi vatan ki ulfat
meri miTTi se bhi khushbu-e-vafaa aaegi

baandh ke ahd-e-vafaa log chale jaate hain
chhoD jaate hain faqat jism ki uljhi gaanThein

Dubne vaale mauj-e-tufaan se
jaane kyaa baat karte jaate hain