zarre zarre mein mahak pyaar ki Daali jaae — Danish Aligarhi

rudaad-e-shab-e-gham yuun Dartaa huun sunaane se
mahfil mein kahin un ki surat na utar jaae

muskuraa kar un kaa milnaa aur bichhaDnaa ruuTh kar
bas yahi do lafz ik din daastaan ho jaaeinge

gar tarannum par hi 'daanish' munhasir hai shaairi
phir to duniyaa bhar ke shaair naghma-khvaan ho jaaeinge

aakhiri vaqt talak saath andheron ne diyaa
raas aate nahin duniyaa ke ujaale mujh ko

tere firaaq ne ki zindagi ataa mujh ko
teraa visaal jo miltaa to mar gayaa hotaa

ho ke majbur ye bachchon ko sabaq denaa hai
ab qalam chhoD ke talvaar uThaa li jaae

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

nigaah-e-ishq dil-e-zinda ki talaash mein hai
shikaar-e-murda sazaa-vaar-e-shaahbaaz nahin

tumhein ham se mohabbat hai hamein tum se mohabbat hai
anaa kaa daaera phir bhi hamaare darmiyaan kyon hai

bahut dinon mein mohabbat ko ye huaa maalum
jo tere hijr mein guzri vo raat raat hui

kisi kaa yuun to huaa kaun umr bhar phir bhi
ye husn o ishq to dhokaa hai sab magar phir bhi