ye chalan hain to tumhein hashr se deinge tashbih — Dattatriya Kaifi

rahne de zikr-e-kham-e-zulf-e-musalsal ko nadim
us ke to dhyaan se bhi hotaa hai dil ko uljhaao

jo chashm-e-dil-rubaa ke vasf mein ashaar likhtaa huun
to har har lafz par ahl-e-nazar ik saad karte hain

tum se ab kyaa kahein vo chiiz hai daagh-e-gham-e-ishq
ki chhupaae na chhupe aur dikhaae na bane

dam ghanimat hai saaliko meraa
jaras-e-daur ki sadaa huun main

baadbaanon mein bhari hai is ke kyaa baad-e-nafas
kashti-e-umr-e-ravaan ko taab langar ki nahin

vafaa par daghaa sulh mein dushmani hai
bhalaai kaa hargiz zamaana nahin hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

jaise dekhaa ho aakhiri sapnaa
raat itni udaas thiin aankhein

pahaaD jaise dinon ko to kaaT luun lekin
nikal na paaun main ik raat ki giraani se