dam ghanimat hai saaliko meraa — Dattatriya Kaifi

rahne de zikr-e-kham-e-zulf-e-musalsal ko nadim
us ke to dhyaan se bhi hotaa hai dil ko uljhaao

jo chashm-e-dil-rubaa ke vasf mein ashaar likhtaa huun
to har har lafz par ahl-e-nazar ik saad karte hain

tum se ab kyaa kahein vo chiiz hai daagh-e-gham-e-ishq
ki chhupaae na chhupe aur dikhaae na bane

ye chalan hain to tumhein hashr se deinge tashbih
log saffaak kaheinge baDi rusvaai hai

baadbaanon mein bhari hai is ke kyaa baad-e-nafas
kashti-e-umr-e-ravaan ko taab langar ki nahin

vafaa par daghaa sulh mein dushmani hai
bhalaai kaa hargiz zamaana nahin hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

bataa khud ko bhalaa kaise sanvaarun
mujhe gham aainon mein dikh rahaa hai

dard mein lazzat bahut ashkon mein raanaai bahut
ai gham-e-hasti hamein duniyaa pasand aai bahut

ye zindagi hai apni kabhi khush kabhi udaas
is kashmakash se mujh ko khudaayaa rihaai de