mat karo fikr imaarat ki koi zer-e-falak — Dulhan Begum

itne kam-zarf nahin ham jo bahakte jaavein
misl-e-gul jaavein jidhar jaavein mahakte jaavein

din kaTaa fariyaad se aur raat zaari se kaTi
umr kaTne ko kaTi par kitni khvaari se kaTi

bahaa hai phuuT ke aankhon se aabla dil kaa
tari ki raah se jaataa hai qaafila dil kaa

bayaan main kis se karun jaa ke ab gila dil kaa
ye dil kaa dil hi mein hovegaa faisla dil kaa

jaa phansaa dil zulf mein ab soiye
shaam ke murde ko kab tak Dhoiye

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

haan samundar mein utar lekin ubharne ki bhi soch
Dubne se pahle gahraai kaa andaaza lagaa

yahi 'arshad' hamaare nau-javaanon ki kahaani hai
jiye daulat ki khaatir aur mare filmi-sitaaron par

ye naqli sajde ye dast-bosi ye jhuTi 'izzat tumhein mubaarak
ham ek miTTi ke aadmi hain mazaar hone se Dar rahe hain

ghaayal vajud soch ki baisaakhiyaan liye
milne chalaa hai guzre hue maah-o-saal se