ghaayal vajud soch ki baisaakhiyaan liye — Baharunnisa Bahar

viraan zindagi ke ye lamhe ajiib hain
bazm-e-tarab mein dhuum hai furqat dhamaal se

ye zakhm-e-anaa kaafi hai ai yusuf-e-dauraan
is chashm-e-zulekhaa ko tu ghamnaak na karnaa

munjamid ho zindagi mein jab kabhi shahr-e-khayaal
phir charaagh-e-dil se us ko jagmagaanaa chaahiye

harf saare bol uTThein jab bhi main likhne lagun
ab koi jazba miraa mahv-e-duaa lagtaa nahin

ashk ke abr-e-ravaan mein DhunDhti huun main tujhe
aas ki in titliyon ko bhi Thikaanaa chaahiye

havaa hai ret hai dasht-e-vafaa hai
ruton ko aataa jaataa dekhti huun

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

sarhadein achchhi ki sarhad pe na ruknaa achchhaa
sochiye aadmi achchhaa ki parinda achchhaa

jaane kyaa Thaan ke uThtaa huun nikalne ke liye
jaane kyaa soch ke darvaaze se lauT aataa huun

ham baDe ahl-e-khirad bante the ye kyaa ho gayaa
aql kaa har mashvara divaana-pan lagne lagaa

rafaaqaton ko zaraa sochne kaa mauqaa do
ki is ke baa'd ghane jangalon kaa rasta hai