tumhaare paaon ke niche koi zamin nahin — Dushyant Kumar

maslahat-aamez hote hain siyaasat ke qadam
tu na samjhegaa siyaasat tu abhi naadaan hai

ek qabristaan mein ghar mil rahaa hai
jis mein tah-khaanon se tah-khaane lage hain

azmat-e-mulk is siyaasat ke
haath nilaam ho rahi hai ab

in ThiThurti ungliyon ko is lapaT par seink lo
dhuup ab ghar ki kisi divaar par hogi nahin

kaise aakaash mein suraakh nahin ho saktaa
ek patthar to tabiat se uchhaalo yaaro

tu kisi rail si guzarti hai
main kisi pul saa thartharaataa huun

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

gham hai na ab khushi hai na ummid hai na yaas
sab se najaat paae zamaane guzar gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ret par ik nishaan hai shaayad
ye hamaaraa makaan hai shaayad