in ThiThurti ungliyon ko is lapaT par seink lo — Dushyant Kumar

tu kisi rail si guzarti hai
main kisi pul saa thartharaataa huun

maslahat-aamez hote hain siyaasat ke qadam
tu na samjhegaa siyaasat tu abhi naadaan hai

ek qabristaan mein ghar mil rahaa hai
jis mein tah-khaanon se tah-khaane lage hain

azmat-e-mulk is siyaasat ke
haath nilaam ho rahi hai ab

kaise aakaash mein suraakh nahin ho saktaa
ek patthar to tabiat se uchhaalo yaaro

tumhaare paaon ke niche koi zamin nahin
kamaal ye hai ki phir bhi tumhein yaqin nahin

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

sehn-e-gulshan mein kai daam bichhe hain ai 'asar'
uD ke jaaun bhi agar main to kidhar jaaungaa

ghubaar saa hai sar-e-shaakh-saar kahte hain
chalaa hai qaafila-e-nau-bahaar kahte hain

phuul mahkeinge yunhi chaand yunhi chamkegaa
tere hote hue manzar ko hasin rahnaa hai