kaise aakaash mein suraakh nahin ho saktaa — Dushyant Kumar

tu kisi rail si guzarti hai
main kisi pul saa thartharaataa huun

maslahat-aamez hote hain siyaasat ke qadam
tu na samjhegaa siyaasat tu abhi naadaan hai

ek qabristaan mein ghar mil rahaa hai
jis mein tah-khaanon se tah-khaane lage hain

azmat-e-mulk is siyaasat ke
haath nilaam ho rahi hai ab

in ThiThurti ungliyon ko is lapaT par seink lo
dhuup ab ghar ki kisi divaar par hogi nahin

tumhaare paaon ke niche koi zamin nahin
kamaal ye hai ki phir bhi tumhein yaqin nahin

jab ki pahlu se yaar uThtaa hai
dard be-ikhtiyaar uThtaa hai

ab aadmi kuchh aur hamaari nazar mein hai
jab se sunaa hai yaar libaas-e-bashar mein hai

aql kahti hai dobaara aazmaanaa jahl hai
dil ye kahtaa hai fareb-e-dost khaate jaaiye

main ab har shakhs se uktaa chukaa huun
faqat kuchh dost hain aur dost bhi kyaa

vo habib ho ki rahbar vo raqib ho ki rahzan
jo dayaar-e-dil se guzre use ham-kalaam kar lo

idhar aa ham dikhaate hain ghazal kaa aaina tujh ko
ye kis ne kah diyaa gesu tire barham nahin pyaare