zindagi us ki amaanat thi vagarna 'mazhar' — Ehsanul Haq Mazhar

tum aadatan kahoge use yaar maazarat
lekin ye e'tiraaf ke zumre mein aaegaa

fi-zamaana ye muravvat bhi bahut hai 'mazhar'
un ko jaanaa thaa magar dost bahaane se gae

is mohabbat se miri samt koi dekhtaa hai
ruk bhi jaataa huun kabhi dasht ko jaataa huaa main

raaste aur bhi jaate hain udhar ko lekin
vo mire dil se guzartaa huaa ghar jaataa hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

apni to is chaman mein nit umr yunhi guzri
yaan aashiyaan banaayaa vaan aashiyaan banaayaa

ai dost is zamaan-o-makaan ke azaab mein
dushman hai jo kisi ko duaa-e-hayaat de

meraa jiinaa hai sej kaanTon ki
un ke marne kaa naam taaj-mahal