chaman pe ghaarat-e-gul-chin se jaane kyaa guzri — Faiz Ahmad Faiz

na jaane kis liye ummid-vaar baiThaa huun
ik aisi raah pe jo teri rahguzar bhi nahin

raat yuun dil mein tiri khoi hui yaad aai
jaise viraane mein chupke se bahaar aa jaae

har sadaa par lage hain kaan yahaan
dil sambhaale raho zabaan ki tarah

ai zulm ke maato lab kholo chup rahne vaalo chup kab tak
kuchh hashr to un se uTThegaa kuchh duur to naale jaaeinge

sab qatl ho ke tere muqaabil se aae hain
ham log surkh-ru hain ki manzil se aae hain

karo kaj jabin pe sar-e-kafan mire qaatilon ko gumaan na ho
ki ghurur-e-ishq kaa baankpan pas-e-marg ham ne bhulaa diyaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main adh-maraa gulaab sar-e-shaakh-e-nim-jaan
haathon se tu ne mujh ko sanvaaraa to main gayaa

khabar rihaai ki mil chuki hai charaagh phulon ke jal rahe hain
magar baDi tez raushni hai qafas kaa dar sujhtaa nahin hai

miTaa de apni hasti ko agar kuchh martaba chaahe
ki daana khaak mein mil kar gul-o-gulzaar hotaa hai