hausla sab ne baDhaayaa hai mire munsif kaa — Farhan Salim

hai meri aankhon mein aks-e-navishta-e-divaar
samajh sako to miraa nutq-e-be-e-zabaan le lo

tujhe khabar hi nahin hai ye qissa-e-kotaah
jahaan pe but na gire kab vahaan haram utraa

mataa-e-dard maaal-e-hayaat hai shaayad
dil-e-shikasta miri kaaenaat hai shaayad

mire sajde kabhi rusvaa na honge
tumhaaraa sang-e-dar ho jaaungaa main

ab mujh se sambhalti nahin ye dard ki saughaat
le tujh ko mubaarak ho sambhaal apni ye duniyaa

ab us maqaam pe hai mausamon kaa sard mizaaj
ki dil sulagne lage aur dimaagh jalne lage

ik lahar us ki aankh mein hai hausla-shikan
ik rang us ke chehre pe bahkaane vaalaa hai

dil-e-sarshaar miraa chashm-e-siyah-mast tiri
jazba Takraa de na paimaane se paimaane ko

vo bulaate to hain mujh ko magar ai jazba-e-dil
shauq itnaa bhi na baDh jaae ki jaae na bane

kahne ko faqat ibn-e-ali ibn-e-ali hain
dekho to kahin jazba-e-haidar nahin miltaa

ye aur baat ki kam-hausla to main bhi thi
magar ye sach hai use pahle main ne chaahaa thaa

tamaam umr azaabon kaa silsila to rahaa
ye kam nahin hamein jiine kaa hausla to rahaa