ab mujh se sambhalti nahin ye dard ki saughaat — Farhan Salim

hai meri aankhon mein aks-e-navishta-e-divaar
samajh sako to miraa nutq-e-be-e-zabaan le lo

tujhe khabar hi nahin hai ye qissa-e-kotaah
jahaan pe but na gire kab vahaan haram utraa

mataa-e-dard maaal-e-hayaat hai shaayad
dil-e-shikasta miri kaaenaat hai shaayad

hausla sab ne baDhaayaa hai mire munsif kaa
tum bhi inaam koi meri sazaa par likh do

mire sajde kabhi rusvaa na honge
tumhaaraa sang-e-dar ho jaaungaa main

ab us maqaam pe hai mausamon kaa sard mizaaj
ki dil sulagne lage aur dimaagh jalne lage

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

koi sadi miri muntazir hai kisi sadi se guzar rahaa huun
main ek manzar mein ji uThungaa main ek manzar mein mar rahaa huun

us kaa chehraa udaas hai 'maajid'
aaine par nazar gai hogi

kaun saa dard utar aayaa hai tahriron mein
saare alfaaz janaaze ki tarah lagte hain