vo bulaate to hain mujh ko magar ai jazba-e-dil — A. D. Azhar

tujh se judaa hue to tiri yaad baDh gai
aazaad ho ke qaid ki mi'aad baDh gai

tu khvaab hi mein sahi aa ke khud javaab to de
bujhi bujhi si miri aarzu ko aab to de

na chheD ai shaikh ham yunhi bhale chal raah lag apni
tujhe to biviyaan sujhi hain ham bezaar baiThe hain

thaa jis pe naaz kabhi ab vo aarzu na rahi
niyaaz-e-'ishq ki pahli si aabru na rahi

miri 'aashiqi sahi be-asar tiri dilbari ne bhi kyaa kiyaa
vahi main rahaa vahi be-dili vahi rang-e-lail-o-nahaar hai

vo kahte hain kuchh der hai faisle mein
ki 'ushshaaq ki 'arziyaan aur bhi hain

himmat-e-tark-e-vafaa Duub gai
kis ne aankhon mein utaaraa dariyaa

ye jazba-e-talab to miraa mar na jaaegaa
tum bhi agar miloge to ji bhar na jaaegaa

himmat kahaan se laaun ki taa'bir kar sakun
kal raat khvaab dekh rahaa thaa ki khush huun main

vaqt khush khush kaaTne kaa mashvara dete hue
ro paDaa vo aap mujh ko hausla dete hue

baDe hausle the pahle baDe valvale the pahle
jo amal kaa vaqt aayaa hue aap nau-do-gyaaraa

ayaan the jazba-e-dil aur bayaan the saare khayaal
koi bhi parda na thaa jab ke the hijaab mein ham