mataa-e-dard maaal-e-hayaat hai shaayad — Farhan Salim

hai meri aankhon mein aks-e-navishta-e-divaar
samajh sako to miraa nutq-e-be-e-zabaan le lo

tujhe khabar hi nahin hai ye qissa-e-kotaah
jahaan pe but na gire kab vahaan haram utraa

hausla sab ne baDhaayaa hai mire munsif kaa
tum bhi inaam koi meri sazaa par likh do

mire sajde kabhi rusvaa na honge
tumhaaraa sang-e-dar ho jaaungaa main

ab mujh se sambhalti nahin ye dard ki saughaat
le tujh ko mubaarak ho sambhaal apni ye duniyaa

ab us maqaam pe hai mausamon kaa sard mizaaj
ki dil sulagne lage aur dimaagh jalne lage

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

ye saal tul-e-masaafat se chuur chuur gayaa
ye ek saal to guzraa hai ik sadi ki tarah

aisi taraqqi par to ronaa bantaa hai
jis mein dahshat-gard corona bantaa hai