koi nahin hai mere jaisaa chaaron or — Fatima Hasan

raat dariche tak aa kar ruk jaati hai
band aankhon mein us kaa chehra rahtaa hai

sukun-e-dil ke liye ishq to bahaana thaa
vagarna thak ke kahin to Thahar hi jaanaa thaa

ulajh ke rah gae chehre miri nigaahon mein
kuchh itni tezi se badle the un ki baat ke rang

dikhaai detaa hai jo kuchh kahin vo khvaab na ho
jo sun rahi huun vo dhokaa na ho samaaat kaa

bhuul gai huun kis se meraa naata thaa
aur ye naata kaise TuuTaa bhuul gai

main ne maan kaa libaas jab pahnaa
mujh ko titli ne apne rang diye

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

aankh mein aansu kaa aur dil mein lahu kaa kaal hai
hai tamannaa kaa vahi jo zindagi kaa haal hai

kafan ki qimat suneinge murde to is ke sadme se ji uTheinge
janaaza uTThegaa ab kisi kaa na ab kisi kaa mazaar hogaa