shab ki tanhaai mein ubhri hui aavaaz-e-jaras — Habeeb Hashmi

sarhad-e-dasht se aabaadi ko jaane vaalo
shahar mein aur bhi khun-rez nazaare honge

na main khasta-haal hotaa na ye ajnabi se lagte
ye hasin hasin farishte mujhe aadmi se lagte

har shab-e-gham ki sahar ho ye zaruri hai magar
sab ki taabinda sahar ho ye zaruri to nahin

safar ki aakhiri manzil mein paas aayaa hai
tamaam umr thaa jo duur aasmaan ki tarah

ye aansu ponchh lijiye aur muskuraaiye
chaara nahin hai koi bhi rukhsat kiye baghair

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

main ne apni palkon par gham-kade sajaae hain
aarzu ke maatam mein sogvaar hasti hai

husn jalva dikhaa gayaa apnaa
ishq baiThaa rahaa udaas kahin